Transcription
1
Monsieur, jay leu la lettre que vous maviez envoyée aveques
2
grand desplaizir et pitié qui doibt metre au cueur des
3
gens de bien de nespargner leures vies et moiens pour
4
secourir son prince à une extreme nessecyté comme cestuy est
5
la plus grande quil seroit luy advenir nestent [= n’estant] ceullement
6
sa vie en azar mès tout son reaulme à qui le povoit prendre.
7
Je ne puis hoster de mon opinnion que ce quil vous plest de
8
apeller la noblesse et le peuple quilz ne ce mettent en tout
9
ce quilz peuvent. La pauvreté dudit peuple est grande, mès elle
10
sera daventage cylz ce saizioyent du pays par insi. Il
11
fault, monsieur, que vous ny espargnés tous les moiens
12
et que chascun ce sante de la foulle. Quent à moy, je vous
13
suplye de nesparger tout ce que je peux, et ma vye cy elle
14
pouvoit servir, en voient [= voyant] locazion grande, et que cy ny metés
15
ordre de bonne heure je doubte que vous ne pourés quent
16
voudrés. Gen ay dit à monsieur de Mestrat ce que gen ay
17
entendu, que se fera ce trouvent le moien de lexsecuter qui
18
ne sera malaizé comme vous congnoissés. Je vous suplie
19
comme votre très affectionnée amye dy metre la main en bon
20
essien et vous ferés beaucop pour tous. Votre sagesse mescuzera
21
cy je vous en dix cy librement ce quil men samble, estent
22
ausi affectionné, comme ma fidelité me commande en vères notre roy
23
et à vous fère service. Quent à ce faict de Tain, je vous suplie
24
monsieur dy pourvoir en tirent le bezoin et ne vous metés
25
cyl vous plaict en poine pour ce que je pences advicer
26
aveques Larnage, car gen viendrè bien à / [ajouté : fin /] aveques raison et
27
[55B]
28
justice et lerés plus tost tout perdre cyl empechoit le
29
service du roy, congnoissant quil est très nessecère de
30
pourveoir en ceste ville, aient par les gueres pasée congnue
31
et santy comme elle importe ; et de mesme l’umeur des gens
32
qui sont dedans, où il ne sen fault à servir que autent
33
quon les contraindra de bien fère et nestime pas que celuy
34
quen donerés la charge les puisse exsecuter cyl ny a des
35
soudares pour luy ayder à les tenir en crainte. Ilz dizent
36
estre pauvres quent ilz veullent mal faire. Ilz trouve assés
37
de moien et pour le roy le doibve sy espurger. Il nest
38
pas resonnable. Monsieur de Mestrat vous dira, monsieur, ce
39
quil en a veu et entendu, qui me fera finer ma lettre de
40
mes humbles recommendacions à votre bonne grace supliant Dieu
41
vous donner longue et heureuze vye. De Tournon, ce XVIIe mars
42
1574
43
Votre humble et obeissante
44
Claude de Turenne
45
Il fault cyl vous plest pourvoir
46
à Serves et Sainct Valier
47
pour tenir le passaige plus asseuré.
48
Quent à Chateauburc, monsieur de
49
Mestrat vous dira, monsieur, ce
50
que gen adviserey autre que le
51
fere paier de ce [ costé?]